"UZREPORT TV" telekanali Angliya Premer ligasi o'yinlari translyatsiyasini davom ettiradi. Bugun futbol muxlislari Toshkent vaqti bilan soat 17:45dan boshlab 23-turdan o'rin olgan "Norvich" - "Liverpul" jamoalari o'rtasidagi o'yinni "jonli" efirda tomosha qilish imkoniga ega bo'ladilar. Kechroq soat 22:30dan boshlab esa "Vest Xem" - "Manchester Siti" jamoalari o'rtasidagi o'yin translyatsiya qilinadi. 24 yanvar yakshanba kuni esa soat 18:30dan boshlab "Everton" - "Suonsi Siti" klublari o'rtasidagi o'yin namoyish qilinadi. Soat 21:00da esa turning markaziy uchrashuvi hisoblangan "Arsenal" - "Chelsi" klublari o'rtasidagi bahs efirga uzatiladi. Eslatib o'tamiz, shu yilning 1 dekabr kunidan boshlab «UZREPORT TV» telekanali sun'iy yo'ldosh orqali efirga uzatila boshladi. Endilikda sun'iy yo'ldosh orqali «UZREPORT TV» telekanaliga ulangan muxlislar mazkur o'yinlarni eng yuqori sifatli tasvirda tomosha qilish va o'yin zavqidan bahra olishlari mumkin bo'ladi.
— deya xabar beradi uff.uz nashri.