Toshkentning “Bunyodkor” jamoasi BAA yig'ini doirasidagi uchinchi nazorat uchrashuvini Moskvaning “Lokomotiv” klubiga qarshi o'tkazdi. Kuniga ikki mahaldan shug'ullanayotgan “qaldirg'ochlar” so'nggi uch kunda ikkita nazorat uchrashuvi o'tkazgan edi. Og'ir yuklamalar qabul qilib olgan futbolchilarimiz “Lokomotiv”ga qarshi charchoq alomatlari bilan o'ynadi. Uchrashuvning birinchi bo'limida to'p nazorati ko'proq vakillarimizda tomonida bo'ldi. Biroq “Lokomotiv” futbolchilari qarshi hujumlarda faol va aniq o'ynadilar. Uchrashuvning 10-daqiqasida Aleksey Miranchuk qarshi hujumda darvozabonimiz bilan birga-bir vaziyatga chiqdi. U “duel”da to'pni To'raev ustidan oshirib, hisobni ochdi. 32 va 36-daqiqalarda Petar Shkuletich ikkita golga mualliflik qilib, jamoalarni tanaffusga yirik hisobda chiqib ketishini ta'minladi. Tanaffusda “Bunyodkor” murabbiylari tarkibda sakkizta o'zgarish amalga oshirishdi. Ikkinchi taymda “Lokomotiv” darvozasi oldida bir nechta xavfli vaziyatlar yaratildi. Shu tariqa, “Bunyodkor” BAA yig'ini doirasidagi uchinchi nazorat uchrashuvida Moskvaning “Lokomotiv” klubiga imkoniyatni boy berdi. Qayd etish kerakki, ushbu uchrashuv “qaldirg'ochlar” uchun tarkibni shakllantirishda foydali bo'ldi. Eslatib o'tamiz, bungacha “qaldirg'ochlar” Rossiya premer-ligasi vakillari – “Anji”ni 3:2 hisobida mag'lubiyatga uchratishgan va "Amkar" bilan 1:1 hisobidagi durang natija qayd etishgan edi. Nazorat uchrashuvi “BUNYoDKOR” – “LOKOMOTIV” (Rossiya) 0:3 (0:3)
Gollar: Aleksey Miranchuk 10 (0:1), Petar Shkuletich 32 (0:2), Petar Shkuletich 36 (0:3)
“Bunyodkor” 1-taym: 45. Akbar To'raev, 2.Akmal Shorahmedov (S), 5.Dilshod Jo'raev, 22.Rustamjon Ashurmatov, 6.Anvar G'ofurov, 8.Javlon Ibrohimov, 27.Sardor Sobirxo'jaev, 19.Zabihillo O'rinboev, 11.Shahzodbek Nurmatov, 9.Minori Sato, 28.Sanjar Qodirqulov
“Bunyodkor” 2-taym: 25.Murodjon Zuhurov (S), 15.Dilshodbek Ahmadaliev, 22.Rustamjon Ashurmatov, 88.Javlon Mirabdullaev, 48.Akramjon Komilov, 7.Aleksandr Alempievich, 9.Minori Sato, 29.Otabek Shukurov, 14.Bahodir Nasimov, 17.Dostonbek Hamdamov, 39Eldor Shomurodov
“Lokomotiv”: 81.Ilya Abaev (77.Anton Kochenkov 46), 5.Nemanya Peychinovich (29.Vitaliy Denisov 76), 15.Arseniy Logashov (23.Dmitriy Tarasov 76), 28.Yan Dyuritsa (17.Taras Mixalik 46), 29.Vitaliy Denisov (55.Renat Yanbaev 37; 52.Sergey Makarov 57), 3.Alan Kasaev, 23.Dmitriy Tarasov (19.Aleksandr Samedov 46), 59.Aleksey Miranchuk, 88.Delvin Ndinga, 7.Markes Maykon (36.Dmitriy Baranov 46), 32.Peter Shkuletich (7.Markes Maykon 70) 23 yanvar. Abu-Dabi. Nyu-York universiteti stadioni.
— deya xabar beradi uff.uz nashri.