Futzal bo'yicha O'zbekiston milliy terma jamoasi kecha Qozog'iston terma jamoasiga qarshi ilk o'rtoqlik uchrashuvini o'tkazdi. Unda qo'shnilarimiz 3:1 hisobida g'alaba qozonishdi. Uchrashuvdan so'ng terma jamoamiz a'zosi Javlon Anorov tayyogarlik jarayoni haqida intervyu berdi. - Dastlab Yanvar oyidagi Toshkentda o'tgan yig'in haqida nima deya olasiz? Murabbiylar nimalarga ko'proq ahamiyat berishdi?
- Yanvar oyidagi yig'inda murabiylarimiz bizga asosan fizik va taktik jihatdan mashg'ulotlar olib borishdi. - Osiyo chempionati guruhimizdagi raqiblar haqida nima deya olasiz? Ularni kuchli va kuchsiz tomonlari nimada?
- Livan va qirg'izlar bilan o'ynaganmiz. Hozirgi paytda kuchsiz jamoani o'zi yo'q, eshitishimizcha ular ham qattiq tayyorgarlik ko'rishmoqda. Saudiya Arabistoni hali Osiyo chempionatlarida qatnashmagan, shuning uchun ularni qanday o'ynashini bilmaymiz. - Hozirgi jamoamizning salohiyati Osiyo chempionatida qaysi o'rinni olishga qodir deb o'ylaysiz?
- Xudo xohlasa finalgacha borishni oldimizga maqsad qilganmiz. Bizni yigitlar hammasi tayyorgarlikni eng yuqori tempda olib borishmoqda. Murabbiyimiz ko'rsatayotgan taktikalarni o'zimizga singdirib bormoqdamiz. - Xose Mariya Mendes bilan anchadan buyon ishlayapsizlar. Uning boshqalardan ajralib turadigan tomoni nimada?
- Mendes mashg'ulotlar paytida jiddiy, u o'zini mutaxassisligi bo'yicha ustaligi shundoq ko'rinib turadi. Mashg'ulotlardan tashqari o'zimizga o'xshagan inson, hazillashib turadi.
— deya xabar beradi uff.uz nashri.