Suv polosi bo'yicha XXXI yozgi Olimpiada o'yinlarining yo'llanmasi uchun kechadigan qit'alararo saralash musobaqasida ishtirok etadigan terma jamoalar nomi ma'lum bo'ldi.
Unga ko'ra 3-10 aprel kunlari Italiyaning Triest shahrida erkaklar o'rtasida o'tkaziladigan saralash bahslarida Italiya, Ispaniya, JAR, Rossiya, Vengriya, Ruminiya, Frantsiya, Germaniya, Golandiya, Slovakiya, Kanada va Qozog'iston terma jamoalari ikki guruhga bo'lingan holda Olimpiada o'yinlarining yo'llanmalari uchun kuch sinashadilar.
21-28 mart kunlari Gollandiyaning Gaud shahrida o'tkaziladigan ayollar o'rtasidagi saralash musobaqalarida esa Frantsiya, Rossiya, Ispaniya, Italiya, Gretsiya, AQSh, Kanada, Kuba, Yangi Zelandiya, JAR, Yaponiya va Gollandiya terma jamoalari bahslarga kirishadilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.