Angliya Premer ligasi bejizga jahondagi eng tomoshabop chempionat deya e'tirof etilmaydi. Zero tumanli albionda har bir uchrashuv murosasiz ruhda o'tadi, grand klublar tez-tez autsayderlarga imkoniyatni boy berib qo'yishadi. Tezkor o'yin tempi esa muxlislarni aslo zerikishga qo'ymaydi.
Buni qarangki, 100 dan ortiq mamlakat futbolchilari ingliz diyorida to'p tepishga ulgurishgan ekan. Hozirgi kunda FIFA reytingining yuqori 100 taligida turgan mamlakatlarning 83 tasi qachondir o'z o'yinchilarining APLda o'ynagani bilan maqtana olishar ekan. Ammo 17 ta! davlat vakillari hali jahonning eng kuchli ligasida to'p tepish baxtiga muyassar bo'lishmagan. Afsuski, ular orasiga o'zbekistonlik futbolchilarni ham qo'shishga majburmiz. Zero bizning “charm to'p” ustalarimiz hali Angliya chempionatida o'ynashgan emas.
Shuni inobatga olib, FIFA reytingining yuqori 150 taligidan joy olgan mamlakatlar futbolchilari ichida so'nggi paytlarda yaxshi o'yin ko'rsatayotgan va natijada ko'plab skautlar va agentlar nazariga tushgan 5 ta o'yinchi haqida ma'lumot bermoqchimiz.
1. Ahmad Halil – (BAA) FIFA reytingida 64-o'rin
Ahmad Halil 2015 yil yakunlariga ko'ra Osiyoning eng yaxshi futbolchisi deya e'tirof etildi. Endigina 24 yoshni qarshi olgan mazkur hujumkor yarim himoyachi ortda qolgan mavsumni juda ko'tarinki ruhda o'tkaza oldi. U “Al Ahli” bilan birgalikda Osiyo Chempionlar ligasi finaliga qadar etib bora oldi. “Ahli”ning OChLda kumush medallarga ega chiqishida ulkan xissa qo'sha olgan Halil namoyish qilgan o'yini orqali ko'plab kuchli jamoalar diqqatini o'ziga torta oldi. 2009 yilda “Portsmut”ga o'tib ketishiga bir baxya qolgan BAAlik futbolchining qishki transferlar paytida Angliyaga yo'l olishi taxmin qilinmoqda…
Davomi Sports.Uz blogida.
— deya xabar beradi uff.uz nashri.