Osiyo chempionatiga tayyorgarlik ko'rayotgan O'zbekiston futzal terma jamoasi ertadan Toshkentda so'nggi yig'inni boshlaydi.
Xose Mariya Mendez boshchiligidagi jamoa ushbu yig'in doirasida 27 va 28 yanvar kunlari Tojikiston terma jamoasi bilan Toshkentda ikkita o'rtoqlik uchrashuvi o'tkazadi.
Avvalroq, 1 fevralda Vetnam, 6 fevralda Iordaniya bilan o'rtoqlik uchrashuvlari o'tkazilishi haqida xabar bergan edik.
O'zbekiston terma jamoasining so'nggi yig'iniga chaqirilgan futzalchilar:
Rustam Umarov, "Olmaliq"
Akmal Hazratqulov, "Do'stlik-AIN"
Klim Tyugaev, "Olmaliq"
Nodir Eliboev, "Ardus"
Javlon Anorov, "Olmaliq"
Artur Yunusov, "Ardus"
Farhod Abdumavlonov, "Ardus"
Dilshod Rahmatov, "Ardus"
Feruz Fahriddinov, "Do'stlik-AIN"
Dilshod Irsaliev, "Ardus"
Andrey Shlema, "Olmaliq"
Davron Choriev, "Ardus"
Jamoliddin Sharipov, "Olmaliq"
Konstantin Sviridov, "Olmaliq"
Eslatib o'tamiz, futzal bo'yicha O'zbekiston terma jamoasi 2016 yilning 10 — 21 fevral kunlari bo'lib o'tadigan Osiyo chempionatiga tayyorgarlik jarayonini olib bormoqda. Qit'a birinchiligi final bosqichi uchun tashlangan qur'a natijasiga ko'ra O'zbekiston terma jamoasi "A" guruhidan o'rin olgan. Guruhda Xose Mariya Mendez jamoasiga Saudiya Arabistoni, Qirg'iziston hamda Livan jamoalari raqib bo'ladi.
Ta'kidlash kerakki, Toshkentda bo'lib o'tadigan ushbu musobaqada eng yuqori 5 o'rinini egallagan jamoalar 2016 yilning 10 sentyabridan 1 oktyabrigacha Kolumbiyada bo'lib o'tadigan Jahon chempionatiga yo'llanmani qo'lga kiritadi.
— deya xabar beradi uff.uz nashri.