Toshkentning “Bunyodkor” jamoasi bugun BAA yig'ini doirasidagi beshinchi nazorat uchrashuvini o'tkazadi. “Qaldirg'ochlar”ning bugungi sparring raqibi – Janubiy Koreyaning amaldagi chempioni “Chonbuk Motors” klubi bo'ladi. “Bunyodkor” – “Chonbuk Motors” uchrashuvi Dubaydagi “The Sevens” stadionida mahalliy vaqt bilan soat 16:00da (Toshkentda 17:00 bo'ladi) boshlanadi. Eslatib o'tamiz, bungacha “qaldirg'ochlar” BAA yig'ini doirasida “Anji” (3:2), “Amkar” (1:1), “Lokomotiv” Moskva (0:3) va “Xenan Jiane” (3:1) jamoalari bilan nazorat uchrashuvi o'tkazishgan edi.
— deya xabar beradi uff.uz nashri.