“Manchester Yunayted”ning himoya chizig'idagi muammolari davom etmoqda. Sky Sports nashrining xabar qilishicha, klub himoyachilari Matteo Darmian va Kris Smolling Angliya chempionati 24-turida “Bornmut”ga qarshi o'yinni o'tkazib yuborishi mumkin.
Italiyalik futbolchi “Sautgempton”ga qarshi o'yinda (0:1) tizza osti paylarini shikastlab, maydonni tark etgandi. Kris Smollingni esa beldan past qicmi bezovta qilmoqda. Har ikki futbolchining jarohati qanchalik jiddiy ekani tibbiy tekshiruvdan so'ng ma'lum bo'ladi.
Avvalroq, himoyachilardan Fil Jons va Markos Roxo jarohatlari sabab safdan chiqqandi. Shuningdek, Eshli Yang ham bir qator o'yinlarda maydonga tushmasligi ma'lum bo'lgan.
— deya xabar beradi uff.uz nashri.