“Manchester Siti” jamoasi yarim himoyachisi Kevin De Bryuyne “Everton”ga qarshi Angliya liga kubogi yarim final javob uchrashuvida (3:1) jarohat olganligi ma'lum bo'ldi.
BBC nashrining xabar qilishicha, belgiyalik futbolchi o'yinning 66-daqiqasida raqib jamoa a'zosi Ramiro Mori bilan to'qnashib, noqulay holatda yiqildi va oyog'ini qayirib oldi. De Bryuyneni maxsus zambilda olib chiqishdi. Hozircha, uning jarohati qay darajada jiddiy ekani va maydonga qaytish muddati noma'lum.
Eslatib o'tamiz, mazkur g'alabadan so'ng “shaharliklar” musobaqaning final yo'llanmasini qo'lga kiritishdi. Finalda Manuel Pellegrini shogirdlari “Liverpul”ga qarshi bahs olib borishadi.
— deya xabar beradi uff.uz nashri.