Oliy ligadagi kamsonli barqaror jamoalardan biri hisoblangan  Olmaliq  ham boshqalar qatori yangi mavsumga yo'naltirilgan tadorik ishlariga zo'r bermoqda. Igor Shkvirin shogirdlari ayni payt o'quv-mashg'ulotlar yig'inini Toshkentda o'tkazishmoqda.
Uning doirasida o'rtoqlik uchrashuvlari ham tashkil etilyapti. Murabbiylar shtabi shu o'yinlar orqali jamoaviy harakatlarni shakllantirish, yangi futbolchilarni sinab ko'rishni maqsad qilgan. Xususan, o'tgan mavsum o'rinbosarlar safida o'zini ko'rsatgan Abdumalik Toshpo'latov, Azizbek Suyunov kabi yoshlar asosiy tarkib mashg'ulotlariga qo'shildilar. Ko'rikka chaqirilgan futbolchilardan Sergey Rekunga javob berildi. Yarim himoyachining harakatlari bosh murabbiyga ma'qul kelmadi, chog'i.
Umuman, o'tgan yili 44 ochko bilan turnir jadvalida 6-o'rinni egallagan  Olmaliq  yangi mavsumda o'z natijasini yaxshilashni ko'zlamoqda. Biz  Paxtakor  akademiyasiga qarashli  Chilonzor  sun'iy qoplamali maydonida olib borilgan navbatdagi mashg'ulotlardan so'ng klub bosh murabbiyi - Igor Shkvirinni suhbatga tort dik. Xo'sh, Igor Anatolevich tayyorgarlik jarayoni xususida nima deydi?
HAR YILI TAKRORLANADIGAN JARAYoN
- Yangi mavsumga tayyorgarlik das turi bo'yicha birinchi yig'inimiz 16 dekabr kuni boshlandi. Yangi yilgacha Olmaliqda shug'ullandik. Mana, hozir Toshkentda ish olib boryapmiz. Poytaxtdagi bu yig'inimiz 30 yanvarga qadar davom etadi. Tabiiyki, o'rtoqlik uchrashuvlariga ham e'tibor qaratyapmiz. Ko'rikda yangi futbolchilar bor. Bir so'z bilan aytganda, odatdagidek tayyorgarlik jarayoni. Aniq reja bo'yicha ishlayapmiz. Jismoniy tayyorgarlikka katta urg'u berilyapti. Zamonaviy futbol shuni talab qilmoqda. Kunning birinchi yarmida kuchaytirilgan rejimda jismoniy tayyorgarlikka yo'naltirilgan mashg'ulotlar o'tkazilyapti. Tarkibdagi o'zgarishlarga kelsak, ayrim futbolchilar o'z xohishlariga ko'ra, safimizni tark etishdi, ba'zi yigitlar bilan o'zimiz xayrlashdik. Ayrim futbolchilarimiz boshqa klub rahbarlari ko'proq maosh taklif qilishgani uchun ketishdi. Menimcha, bu har mavsum boshida bo'ladigan shunchaki, katta va'dalar, gap-so'zlar. Shuning barobarida yangi futbolchilarni ham sinab ko'ryapmiz. 30 yanvar kuni yig'inimiz yakunlanganidan so'ng kimlarni olib qolish va aksincha, qaysi o'yinchilarga javob berish borasida yakuniy xulosaga kelamiz.
FARHOD TOJIEV  OLMALIQ DA, LEKIN...
- Tajribali hujumchi Farhod Tojiev yangi mavsumga jamoamizda tayyorgarlik ko'ryapti. U jiddiy jarohat sabab, uzoq muddat maydondan chetda qoldi. Vaholanki, Malayziya klubida sermahsul o'yin namoyish etayotgandi. Adashmasam, jamoasi tarkibida 17ta gol urgan. Bilasiz, Farhod vaqtida milliy jamoada ham to'p surgan. Boy tajribaga ega hujumchi, uning jamoamizga foydasi tegishiga ishonaman. Lekin hozirgi jismoniy holati hali talab darajasida emas. Bu tushunarli holat. Jarohat ta'siri bor, baribir. Hozircha Farhodni nazorat o'yinlarida maydonga tushiryapmiz. Fevral oyi o'rtalariga borib, to'liq kuch bilan harakatlanishiga umid qilyapmiz. Bir tomondan, tavakkal ham qilolmaymiz. Axir jarohati qaytoqlanishi mumkin. Shularni inobatga olib, mavsumning ilk turlarida unga katta yuklama bermaymiz. O'ylaymanki, davraning yarmidan so'ng Tojievning xizmatidan to'liq foydalana olamiz.
Davomi InterFUTBOL gazetasi blogida.
— deya xabar beradi uff.uz nashri.