Kataloniyaning "Barselona" jamoasi yozda "Yuventus" klubi hujumchisi Paulo Dibalani sotib olishni rejalashtirmoqda. Ispaniya chempioni qishki transfer mavsumida hech qanday xaridni amalga oshirmadi. Shu sababdan, "ko'k-anor ranglilar" yozda 22 yoshli argentinalik futbolchi uchun 60 mln evro sarflashga tayyor ekanligi ma'lum bo'ldi. Avvalroq, Luis Enrike 29 yoshli hujumchi Nolitoga qiziqish bildirgandi, ammo, "Selta"ning shartlari kataloniyaliklar rahbariyatini qoniqtirmadi. Ma'lumot o'rnida, joriy mavsumda Paulo Dibala Italiya chempionatida 20 o'yinda maydonga tushib, raqiblar darvozasini 12 marotaba ishg'ol qilgan. 
— deya xabar beradi uff.uz nashri.