“Barselona” jamoasi mavsum yakunida “Yuventus” hujumchisi Paulo Dibalani sotib olishni rejalashtirgandi. Turinliklar argentinalik futbolchini sotish niyati yo'qligini ma'lum qilishdi. Jamoa rasmiylari Dibalani o'zining Messisi deb hisoblaydi va uni sotmaydigan bo'ldi. Ispaniya chempioni futbolchini “keksa sinora”dan oldin sotib olish imkoniyati bor edi, ammo, Dibalaning agenti kataloniyaliklarga taklif bilan chiqqanida uni rad etishgan. Avvalroq, "ko'k-anor ranglilar" 22 yoshli hujumchi uchun 60 mln evro sarflashga tayyor ekani xabar qilingandi. 
— deya xabar beradi uff.uz nashri.