Angliya kubogining 4-bosqichidan o'rin olgan “MK Dons” hamda “Chelsi” klublari o'rtasidagi uchrashuv o'z nihoyasiga etdi. Unda 1:5 hisobi qayd etilib, londonliklarning g'alabasi bilan yakunlandi. Mehmon jamoa safida braziliyalik yarim himoyachi Oskar uchta gol kiritib xet-trik qayd etgan bo'lsa, Azar hamda Traore o'z hisoblariga bittadan gol yozib qo'yishdi. Mezbonlar esa bunga faqat Potterning yagona goli bilan javob qaytarishga muvaffaq bo'lishdi. Shu tariqa, “Chelsi“ safarda “MK Dons”ni tor-mor keltirdi va qiyinchiliksiz keyingi bosqichga yo'l oldi. Angliya kubogi, 4-bosqich MK Dons – Chelsi 1:5 (1:3, 0:2)
Gollar: 0:1 – 15 Oskar, 1:1 – 21 Potter, 1:2 – 32 Oskar, 1:3 – 44 Oskar, 1:4 – 55, penalti Azar, 1:5 – 62 Traore.
MK Dons – Martin, Makfazin, Lyuington, Spens, Uolsh, Potter, Forster-Keski, Boudich (Meynard, 76), Karruters (Pauell, 82), Merfi (Uilyams, 67), Xoll.
Chelsi – Kurtua, Keyxill, Baba, Ivanovich, Terri, Matich, Fabregas, Loftus-Chik, Oskar (Villian, 64), Azar (Pedro, 64), Diego Kosta (Traore, 57).
Ogohlantirishlar: Terri (31), Uolsh (74), Spens (80).
— deya xabar beradi uff.uz nashri.