“Nasaf” futbolchilari kecha Birlashgan Arab amirliklarida o'tkazayotgan o'quv-mashg'ulot yig'ini doirasida Janubik Koreya chempioni “Chonbuk Motors” jamoasi bilan kuch sinashdi.
Kechagi bellashuv avvalgisidan farqli ravishda gollarga boy bo'ldi. Bellashuvning 23-daqiqasida “Chonbuk Motors” futbolchilari hisobda oldinga chiqib olishdi. Ikkinchi bo'lim boshida hujumchimiz Ilhom Shomurodov jamoadoshlari hujumini muvaffaqiyatli yakunladi.
Ammo oradan ikki daqiqa o'tib yana raqibimiz Eldor Suyunov qo'riqlayotgan darvozani aniq nishonga oldi. 61-daqiqaga kelib markaziy himoyachimiz Sherzod A'zamov gol urib hisobni tenglashtirgan bo'lsada, 69-daqiqada yana Janubiy Koreya chempioni hujumi samarali yakunladi – 2:3. 74-daqiqa o'tib borayotgan bir paytda futbolchilarimiz uchrashuvda uchinchi  marotaba muvozanatni tiklashdi. Bu gal Artur Gevorkyan 11-metrlik jarima zarbasidan raqibga imkoniyat qoldirmadi.
76-daqiqada koreyaliklar to'rtinchi bor futbolchilarimizni to'pni maydon markazidan boshlashga majbur qilishdi. Navbat bo'yicha endi vakillarimiz to'p kiritishlari lozim edi. O'yin so'nggiga qadar futbolchilarimiz hisobni tenglashtirish uchun ko'plab hujumlar tashkil etishdi. Ammo omad shu kuni “Chonbuk Motors” futbolchilari tomonida edi. Uchrashuvning so'nggi daqiqalarida ular  yana bir bor darvozamizga to'p kiritib, o'yinni o'z foydalariga hal qilishdi – 5:3.
— deya xabar beradi uff.uz nashri.