Kuni kecha Madridning “Atletiko” klubi hujumchisi Jekson Martines “Guanchjou Evergrand” jamoasiga ravona bo'lganidan xabaringiz bor. Transfer qiymati 42 million evroni tashkil qildi. Portugaliyaning Dn nashrining ma'lumotiga ko'ra, 29 yoshli futbolchi Xitoy klubida yiliga 12,5 million evro maosh oladigan bo'ldi. Manbada aytilishicha, Martines dunyoning eng ko'p maosh oluvchi futbolchilarining beshtaligidan joy oldi. Faqat Krishtianu Ronaldu (“Real”), Lionel Messi (“Barselona”), Zlatan Ibrohimovich (“PSJ”) hamda Tomas Myuller (“Bavariya”) kolumbiyalik o'yinchidan ko'proq maosh olishadi. Joriy mavsumda Martines La Liganing 15ta o'yinida maydonga tushib, ikkita gol hamda uchta golli uzatmaga mualliflik qilgan.
— deya xabar beradi uff.uz nashri.