"Shaxtyor" jamoasi yarim himoyachisi Aleks Teyshera faoliyatini Xitoyning "Tszyansu Sunin" klubida davom ettiradigan bo'ldi. Ma'lumotlarga ko'ra, Xitoy klubi braziliyalik futbolchining transferi uchun "konchilar"ga 50 mln evro to'lagan. Avvalroq, "Liverpul" hamda "Guanchjou Evergrand" 26 yoshli yarim himoyachiga qiziqish bildirgandi, biroq, ularning taklifi rad etilgan. Shu tariqa, Teysheraning transferi joriy yildagi eng qimmati bo'ldi. Bungacha Xitoyning yana bir klubi - "Guanchjou Evergrand"ga 42 million evro evaziga o'tgan Jekson Martinesning transferi eng qimmati bo'lib turgandi.
— deya xabar beradi uff.uz nashri.