Kievning "Dinamo" klubi yarim himoyachisi Andrey Yarmolenko kelajagi haqidagi savolga javob berarkan, "Barselona"ga o'tib zaxirada qolgandan "Everton"da har hafta o'ynagani ma'qul ekanini aytdi.
"Shartli ravishda aytaman, "Barselona"ga o'tgandan ko'ra "Everton"da o'ynagan yaxshiroq. Albatta "Barselona"ga borib Messi bilan "selfi"ga tushib, Instagrammga qo'yib, millionta "layk" olish va o'zingdan xursand bo'lish mumkin. Ammo men bunday futbolchilardan emasman.
Men uchun o'yin amaliyoti juda muhim. Agarda haftasiga ikki marta o'ynamasam, kuch va hissiyotni sarflaydigan joy topa olmay qolaman. Bunday vaqtda yaqinlarimni aqldan ozdirishim hech gapmas.
Asosiy tarkibda o'ynagan vaqtlarimda esa hammaga kulib qarayman, xotirjam yuraman. Agar biror sababga ko'ra o'ynay olmasam va uyda qolsam, ataylab janjal chiqaraman. Mana shunaqa yomon tabiatga egaman men", - deydi futbolchi.
— deya xabar beradi uff.uz nashri.