"Andijon" Toshkentdagi yig'in davomida o'z safiga G'ulom O'runovni qo'shib oldi. Futbolchi bilan olib borilgan muzokaralardan so'ng, markaziy yarim himoyachi joriy mavsumni “Andijon”da o'tkazadigan bo'ldi. Professional futbolchilik faoliyati davomida bungacha “Paxtakor”, “Qizilqum”, “Dinamo”, “Neftchi” hamda “Olmaliq” kabi jamoalarda o'ynagan 27 yoshli futbolchi ertadan jamoa mashg'ulotlariga qo'shiladi.
Eslatib o'tamiz, O'runov mavsum-2015 “Olmaliq” sharafini himoya qildi. O'tgan yili u oliy ligada 23ta o'yin o'tkazib, 2ta gol urgan. Darvoqe, bugungi kunda yana ayrim futbolchilar bilan muzokaralar davom etayotganini aytish lozim. Shu bois selektsiya ishlari chempionat startiga qadar davom etadi. “Andijon” FK matbuot xizmati
— deya xabar beradi uff.uz nashri.