Barchangizga ma'lum, "Shaxtyor" jamoasi yarim himoyachisi Aleks Teyshera 50 mln evro evaziga Xitoyning "Tszyansu Sunin" klubiga o'tdi. Braziliyalik futbolchi 4 yillik shartnoma imzoladi va uning yillik maoshi 12 mln evro qilib belgilandi. Yangi jamoasida mo'may daromad ishlab olishiga qaramay, 26 yoshli futbolchi doimo Angliya Premer-ligasida to'p surishni orzu qilishini aytib o'tdi. “Men doimo APLda to'p surishni orzu qilganman. Afsuski, aksariyat takliflar u erdan kelmadi. Kelganlari ham “Shaxtyor” rahbariyatini qoniqtirmadi. Xitoydan taklif kelgach, uydagilar bilan maslahatlashdim va qaror qabul qildim. Turmush o'rtog'im ham meni qo'llab-quvvatladi”, - deydi Teysheyra. 
— deya xabar beradi uff.uz nashri.