Bugun Angliya Premer-ligasining 25-tur uchrashuvlariga start beriladi. Doimgidek, futbol ishqibozlari hukmiga bir qator qiziqarli bo'lgan o'yinlar havola etiladi.
Jumladan, turni "Manchester Siti" - "Lester" uchrashuvi ochib beradi. Musobaqa jadvalidagi birinchi va ikkinchi o'rin sohiblari o'zaro kurash olib borishadi. Shubhasiz, turning markaziy o'yinlaridan deya e'tirof etsak bo'ladi, mazkur bellashuvni. Zero, "Lester"ning haqiqiy kuchini ko'rishi mumkin bo'ladi.
"Liverpul" jamoasi o'z maydonida "Sanderlend"ni qabul qiladi. Klopp shogirdlari nihoyat, g'alaba qozonishlari kerak bo'ladi. "Arsenal" klubi safarda "Bornmut" mehmoni bo'ladi. Hamshaharlari "Tottenxem" bo'lsa, poytaxtda "Uotford"ni kutib oladi. Ikki London jamoasida uch ochko olish uchun imkoniyat bor.
Bu turda yana bir markaziy o'yin bo'lib o'tadi. Unda "Chelsi" jamoasi muxlislari qarshisida "Manchester Yunayted"ga qarshi maydonga chiqadi. Bu o'yinni ko'pchilik kuzatishi turgan gap. Chunki, ikkisi ham g'alaba qozonishning uddasidan chiqa oladi.
Ushbu tur anonsi bilan tanishing: 25-tur 06.02.2016 17.45   Manchester Siti - Lester 20.00   Nyukasl - Vest Bromvich 20.00   Tottenxem - Uotford 20.00   Liverpul - Sanderlend 20.00   Aston Villa - Norvich Siti 20.00   Stok Siti - Everton 20.00   Suonsi - Kristal Pelas 22.30   Sautgempton - Vest Xem 07.02.2016 18.30   Bornmut - Arsenal 21.00   Chelsi - Manchester Yunayted
— deya xabar beradi uff.uz nashri.