Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Buyuk futbolchi - yomon murabbiy bo'lar ekan-a... (InterFUTBOL blogi)
Futbolda shunday naql bor va u bejizga aytilmagan. Zero, futbolchilik davrida jahon tan olgan darajadagi yulduzga aylangan insonlarning ko'pchiligi faoliyatlarini murabbiylik sohasida davom ettirishni ixtiyor etganlarida muvaffaqiyatsizlikka yuz tutganlar. Frantsiya termasining yulduzi hisoblangan Zayniddin Zidanning «Real» boshqaruvidagi debyut uchrashuvi esa aksincha natijani ko'rsatdi: madridliklar «Deportivo» darvozasiga naqd 5ta javobsiz to'p yo'llashdi. Shundan kelib chiqib, FotballHD sayti futbolchilik davrida buyuk bo'lgan, biroq murabbiylikda muvaffaqiyatsizlikka uchragan 5 yulduz haqida fikr yuritadi.
Alan ShIRER
Murabbiylik faoliyati: «Nyukasl» (8 uchrashuv: 1 g'alaba, 2 durang, 5 mag'lubiyat).
Tumanli o'lkada yangi vazifada muvaffaqiyatsizlik alamini totgan afsonaviy futbolchilar etarlicha topiladi va Bobbi Charlton, Toni Adams, Pol Gaskoynlarni ular sirasiga kiritish mumkin. Alan Shirerday tug'ma iste'dod egasi, «bombardir», Angliya premer-ligasida 11 bor xett-trikka erishgan yulduz ham omadsiz murabbiylardan. Shirer shuningdek, APL (260ta gol) va «Nyukasl»ning eng yaxshi to'purari (206ta gol) edi. O'z davrida eng yuqori ko'rsatkichni ko'rsatgan (har bir o'yinda o'rtacha 0,6ta gol) futbolchi «Nyukasl»ni bir necha bor og'ir vaziyatlardan olib chiqqandi.
U 2009 yilda «Nyukasl»ga - karerasining 10 yilini bag'ishlagan jamoaga bosh murabbiy etib tayinlangach esa, klubni premer-ligada saqlab qola olmadi. Shirer jamoasida g'alabalar foizi eng past - 12 bo'ldi. 2008-2009 yillar mavsumi oxirida «Nyukasl» ingliz futboli yulduzi boshchiligida 8 uchrashuvda maydonga tushdi va 24 imkoniyatdan 5 ballni qo'lga kiritoldi, xolos. Shundan so'ng, Alan VVSga qaytdi va ekspert sifatida faoliyatini davom ettirdi. O'shandan keyin Shirer hech qachon murabbiylik kursisiga o'tirmadi.
Filippo INDZAGI
Murabbiylik faoliyati: «Milan» (39 uchrashuv: 14 g'alaba, 13 durang, 12 mag'lubiyat)
SuperPippo Madridning «Real»i boshqaruvida turgan inson bilan yaxshi tanish - ular qachonlardir «A» seriyasida Turinning «Yuventus» jamoasi bilan birga «suzishgan». Yangi asr boshlarida esa boshqa-boshqa yo'llardan ketishdi: Zidan «Santyago Bernabeu»ni bo'ysundirishga yo'l olgan bo'lsa, Indzagi butun hayoti jamoasi bo'lgan «Milan»ga ketdi. Aynan Indzagining dubli «rossonerlar»ga Chempionlar Ligasining 2006-2007 yillar finalida «Liverpul»ga qarzlarini qaytarishda ko'maklashdi va futbolchi faoliyati davomida ikkinchi bor kubokni boshi uzra baland ko'tarish imkoniga ega bo'ldi.
2012 yilda futbolchilik karerasiga nuqta qo'ygan o'yinchi kelgusi faoliyati haqida uzoq o'ylamadi: Italiya futboli afsonasi 2 yil «Milan» yoshlariga murabbiylik qildi, so'ng qizil-qoralarga bosh bo'ldi. O'sib kelayotgan avlod bilan Filippo tez til topishgan bo'lsa-da, katta yoshdagi futbolchilar bilan bu masalada qiyinchiliklarga duch keldi. Balki, Indzagiga bilim va murabbiylik tajribasi etishmagandir. Nima bo'lganda ham, SuperPippo uchun qadrdon klubini ulkan cho'qqilarga olib chiqish armon bo'lib qoldi. Yosh mutaxassisga shogirdlari bilan mavsum davomida stabil o'yin namoyish qilish nasib qilmadi, hammasi esa juda yaxshi boshlangandi - «Latsio» ustidan 3:1 hisobidagi ishonchli g'alaba bilan.
Lotar MATTEUS
Murabbiylik faoliyati: Venaning «Rapid» (32 uchrashuv: 9 g'alaba, 9 durang, 14 mag'lubiyat); Vengriya termasi (28 uchrashuv: 11 g'alaba, 3 durang, 14 mag'lubiyat); «Atletiko Paranaense» (7 uchrashuv: 5 g'alaba, 2 durang); «Makkabi Netaniya» (45 uchrashuv: 19 g'alaba, 14 durang, 12 mag'lubiyat); Bolgariya termasi (11 uchrashuv: 3 g'alaba, 3 durang, 5 mag'lubiyat).
Nemis himoyachisi futbolchi sifatida deyarli hamma narsaga erishdi. Shu bilan birga, Lotar Matteus klub darajasida ham, terma jamoa tarkibida ham yuqori natijalarni ko'rsatdi. 1990 yildagi «Oltin to'p» esa haqli ravishda uning shaxsiy muvaffaqiyatlariga berilgan e'tirof bo'ldi.
5 mundialni ko'rgan Matteus mana 15 yildirki murabbiylik qozonida qaynayapti. Oz bo'lmagan fursat ichida 54 yoshli mutaxassis Serbiya va Chernogoriya birinchiligida chempionlik unvoniga ega bo'la oldi, xolos. Aniqrog'i, 1 yil davomida mamlakat futboli etakchisi hisoblangan Belgradning «Partizan» klubini oltin medallarga olib keldi. Ammo bu uzoq 2003 yilda bo'lgandi. Shundan so'ng, Matteus 4 klub va 2 milliy terma jamoada muvaffaqiyatsiz faoliyat olib bordi. Natija bo'lmaganidan so'ng ish beruvchilar bilan sanu mangacha bordi. Masalan, Vengriya termasidan haydalgach, ushbu yurt futbol federatsiyasini ayovsiz tanqid ostiga oldi.
Xristo STOIChKOV
Murabbiylik faoliyati: Bolgariya termasi (15 uchrashuv: 6 g'alaba, 6 durang, 3 mag'lubiyat); «Selta» (16 uchrashuv: 7 g'alaba, 1 durang, 8 mag'lubiyat); «Mamelodi Sandaunz» (30 uchrashuv: 16 g'alaba, 8 durang, 6 mag'lubiyat); «Liteks» (54 uchrashuv: 30 g'alaba, 10 durang, 14 mag'lubiyat); Sofiyaning TsSKA klubi (uchrashuv o'tkazmagan).
Kataloniyaning «Barselona» klubi muxlislarining suyukli futbolchisi 90-yillar boshlarida raqib jamoalar himoya chizig'iga dahshat solgandi. Uning merganlik qobiliyati har kimni hayratga solar va «bombardir»lar ro'yxatida hamisha etakchi bo'lib kelardi. Bolgar futboli tarixida eng yaxshi futbolchi hisoblangan va 1994 yili «Oltin to'p» sovriniga munosib ko'rilgan Stoichkov ham mana 10 yildan ortiq vaqtdirki murabbiylik kursisidan muqim joy ololmayapti. Yillar o'tmoqda, biroq Stoichkovning bu vazifaga noloyiqligi hech qaerga yo'qolmayapti. Xristoda Bolgariya termasi murabbiyi sifatida o'zini sinab ko'rish imkoni 2 bor bo'ldi, ammo u boshchiligidagi jamoa na 2006 yildagi JCh saralashida va na Evro-2008da o'zini ko'rsata oldi. Shundan so'ng, bolgariyalik «Selta»da ishlagan bir necha oy vaqt davomida vigolik jamoani Segundaga «g'arq qildi».
Stoichkovning Janubiy Afrika chempionatidagi murabbiyligi ham o'ta omadsiz kechdi. 2013 yil Sofiyaning TsSKA klubi rulini qo'lga olganidan so'ng 1 oy o'tar-o'tmas, unga chiqish eshiklari ko'rsatildi: u mamlakatning eng nomdor klubi sanalgan TsSKAning muammolarini hal etishning uddasidan chiqolmadi. Hozirda 49 yoshli mutaxassis AQShda istiqomat qilyapti va Meksika sport kanali teleeksperti sifatida ishlamoqda.
Davomi InterFUTBOL gazetasi blogida.
— deya xabar beradi uff.uz nashri.
Alan ShIRER
Murabbiylik faoliyati: «Nyukasl» (8 uchrashuv: 1 g'alaba, 2 durang, 5 mag'lubiyat).
Tumanli o'lkada yangi vazifada muvaffaqiyatsizlik alamini totgan afsonaviy futbolchilar etarlicha topiladi va Bobbi Charlton, Toni Adams, Pol Gaskoynlarni ular sirasiga kiritish mumkin. Alan Shirerday tug'ma iste'dod egasi, «bombardir», Angliya premer-ligasida 11 bor xett-trikka erishgan yulduz ham omadsiz murabbiylardan. Shirer shuningdek, APL (260ta gol) va «Nyukasl»ning eng yaxshi to'purari (206ta gol) edi. O'z davrida eng yuqori ko'rsatkichni ko'rsatgan (har bir o'yinda o'rtacha 0,6ta gol) futbolchi «Nyukasl»ni bir necha bor og'ir vaziyatlardan olib chiqqandi.
U 2009 yilda «Nyukasl»ga - karerasining 10 yilini bag'ishlagan jamoaga bosh murabbiy etib tayinlangach esa, klubni premer-ligada saqlab qola olmadi. Shirer jamoasida g'alabalar foizi eng past - 12 bo'ldi. 2008-2009 yillar mavsumi oxirida «Nyukasl» ingliz futboli yulduzi boshchiligida 8 uchrashuvda maydonga tushdi va 24 imkoniyatdan 5 ballni qo'lga kiritoldi, xolos. Shundan so'ng, Alan VVSga qaytdi va ekspert sifatida faoliyatini davom ettirdi. O'shandan keyin Shirer hech qachon murabbiylik kursisiga o'tirmadi.
Filippo INDZAGI
Murabbiylik faoliyati: «Milan» (39 uchrashuv: 14 g'alaba, 13 durang, 12 mag'lubiyat)
SuperPippo Madridning «Real»i boshqaruvida turgan inson bilan yaxshi tanish - ular qachonlardir «A» seriyasida Turinning «Yuventus» jamoasi bilan birga «suzishgan». Yangi asr boshlarida esa boshqa-boshqa yo'llardan ketishdi: Zidan «Santyago Bernabeu»ni bo'ysundirishga yo'l olgan bo'lsa, Indzagi butun hayoti jamoasi bo'lgan «Milan»ga ketdi. Aynan Indzagining dubli «rossonerlar»ga Chempionlar Ligasining 2006-2007 yillar finalida «Liverpul»ga qarzlarini qaytarishda ko'maklashdi va futbolchi faoliyati davomida ikkinchi bor kubokni boshi uzra baland ko'tarish imkoniga ega bo'ldi.
2012 yilda futbolchilik karerasiga nuqta qo'ygan o'yinchi kelgusi faoliyati haqida uzoq o'ylamadi: Italiya futboli afsonasi 2 yil «Milan» yoshlariga murabbiylik qildi, so'ng qizil-qoralarga bosh bo'ldi. O'sib kelayotgan avlod bilan Filippo tez til topishgan bo'lsa-da, katta yoshdagi futbolchilar bilan bu masalada qiyinchiliklarga duch keldi. Balki, Indzagiga bilim va murabbiylik tajribasi etishmagandir. Nima bo'lganda ham, SuperPippo uchun qadrdon klubini ulkan cho'qqilarga olib chiqish armon bo'lib qoldi. Yosh mutaxassisga shogirdlari bilan mavsum davomida stabil o'yin namoyish qilish nasib qilmadi, hammasi esa juda yaxshi boshlangandi - «Latsio» ustidan 3:1 hisobidagi ishonchli g'alaba bilan.
Lotar MATTEUS
Murabbiylik faoliyati: Venaning «Rapid» (32 uchrashuv: 9 g'alaba, 9 durang, 14 mag'lubiyat); Vengriya termasi (28 uchrashuv: 11 g'alaba, 3 durang, 14 mag'lubiyat); «Atletiko Paranaense» (7 uchrashuv: 5 g'alaba, 2 durang); «Makkabi Netaniya» (45 uchrashuv: 19 g'alaba, 14 durang, 12 mag'lubiyat); Bolgariya termasi (11 uchrashuv: 3 g'alaba, 3 durang, 5 mag'lubiyat).
Nemis himoyachisi futbolchi sifatida deyarli hamma narsaga erishdi. Shu bilan birga, Lotar Matteus klub darajasida ham, terma jamoa tarkibida ham yuqori natijalarni ko'rsatdi. 1990 yildagi «Oltin to'p» esa haqli ravishda uning shaxsiy muvaffaqiyatlariga berilgan e'tirof bo'ldi.
5 mundialni ko'rgan Matteus mana 15 yildirki murabbiylik qozonida qaynayapti. Oz bo'lmagan fursat ichida 54 yoshli mutaxassis Serbiya va Chernogoriya birinchiligida chempionlik unvoniga ega bo'la oldi, xolos. Aniqrog'i, 1 yil davomida mamlakat futboli etakchisi hisoblangan Belgradning «Partizan» klubini oltin medallarga olib keldi. Ammo bu uzoq 2003 yilda bo'lgandi. Shundan so'ng, Matteus 4 klub va 2 milliy terma jamoada muvaffaqiyatsiz faoliyat olib bordi. Natija bo'lmaganidan so'ng ish beruvchilar bilan sanu mangacha bordi. Masalan, Vengriya termasidan haydalgach, ushbu yurt futbol federatsiyasini ayovsiz tanqid ostiga oldi.
Xristo STOIChKOV
Murabbiylik faoliyati: Bolgariya termasi (15 uchrashuv: 6 g'alaba, 6 durang, 3 mag'lubiyat); «Selta» (16 uchrashuv: 7 g'alaba, 1 durang, 8 mag'lubiyat); «Mamelodi Sandaunz» (30 uchrashuv: 16 g'alaba, 8 durang, 6 mag'lubiyat); «Liteks» (54 uchrashuv: 30 g'alaba, 10 durang, 14 mag'lubiyat); Sofiyaning TsSKA klubi (uchrashuv o'tkazmagan).
Kataloniyaning «Barselona» klubi muxlislarining suyukli futbolchisi 90-yillar boshlarida raqib jamoalar himoya chizig'iga dahshat solgandi. Uning merganlik qobiliyati har kimni hayratga solar va «bombardir»lar ro'yxatida hamisha etakchi bo'lib kelardi. Bolgar futboli tarixida eng yaxshi futbolchi hisoblangan va 1994 yili «Oltin to'p» sovriniga munosib ko'rilgan Stoichkov ham mana 10 yildan ortiq vaqtdirki murabbiylik kursisidan muqim joy ololmayapti. Yillar o'tmoqda, biroq Stoichkovning bu vazifaga noloyiqligi hech qaerga yo'qolmayapti. Xristoda Bolgariya termasi murabbiyi sifatida o'zini sinab ko'rish imkoni 2 bor bo'ldi, ammo u boshchiligidagi jamoa na 2006 yildagi JCh saralashida va na Evro-2008da o'zini ko'rsata oldi. Shundan so'ng, bolgariyalik «Selta»da ishlagan bir necha oy vaqt davomida vigolik jamoani Segundaga «g'arq qildi».
Stoichkovning Janubiy Afrika chempionatidagi murabbiyligi ham o'ta omadsiz kechdi. 2013 yil Sofiyaning TsSKA klubi rulini qo'lga olganidan so'ng 1 oy o'tar-o'tmas, unga chiqish eshiklari ko'rsatildi: u mamlakatning eng nomdor klubi sanalgan TsSKAning muammolarini hal etishning uddasidan chiqolmadi. Hozirda 49 yoshli mutaxassis AQShda istiqomat qilyapti va Meksika sport kanali teleeksperti sifatida ishlamoqda.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
615