"Bavariya" jamoasi hujumchisi Robert Levandovski qatorasiga beshinchi bor Polshada yilning eng yaxshi futbolchi deb topildi va bu rekord natija hisoblanadi. Eng yaxshi futbolchini aniqlashda Polshaning mashhur Piłka Nożna jurnali so'rovnoma o'tkazdi. "2015 yil men uchun ajoyib o'tdi. Umid qilamanki, 2016 yil ham omadli o'tadi. "Bavariya" va Polsha terma jamoasi bilan ko'plab yutuqlarga erishish niyatim bor", - deydi 27 yoshli futbolchi. Eslatib o'tamiz, o'tgan yili hujumchi Evro-2016 saralash bahslarida to'purar bo'lgandi. Shuningdek, u myunxenliklar bilan Germaniya chempioni bo'ldi.
— deya xabar beradi uff.uz nashri.