Londonning “Vest Xem” jamoasi rahbariyati amaldagi bosh murabbiy Slaven Bilich shartnomasini uzaytirmoqchi. Bu haqida Mirror nashri xabar bermoqda. Ma'lumotlarga qaraganda, klub direktorlar kengashi uning ishidan mamnun. Shu sababli, unga 2021 yilgacha mo'ljallangan yangi kelishuv taklif qilinadi. Xorvatiyalik mutaxassis o'tgan yilning yozida “bolg'achilar”ni o'z boshqaruviga olgandi. Hozirda jamoa 39 ochko to'plagan holda Angliya chempionatida oltinchi o'rinda bormoqda. 
— deya xabar beradi uff.uz nashri.