Mavsumga tayyorgarlik jarayoni Bekobodning “Metallurg” jamoasi “Buxoro” futbolchilari bilan ikkinchi marta ko'rik-nazorat uchrashuvini o'tkazdi. Yanvar oyidagi o'yinda buxoroliklar 2:0 hisobida g'alaba qozonishgandi. “Bunyodkor” akademiyasi maydonida kechgan ikkinchi uchrashuvda bekobodliklar revansh olishdi. Mirg'iyos Sulaymonov tomonidan kiritigan gol o'yinda yagonaligacha qoldi. Birinchi taymda jamoalar juda ehtirosli o'yin namoyish etishdi. Maydonning har bir qarichi va har bitta to'p uchun kurash ayrim holatlarda his-hayajonlarning junbushga kelishiga sabab bo'ldi. Ammo jamoalar birinchi bo'limda o'z darvozalari dahlsiligini saqlab qolishdi. Ikkinchi bo'limda esa o'yin anchagina zerikarli tus oldi. Raqiblar asosan maydon markazini egallash payida bo'lishdi. Faqatgina uchrashuv yakuniga etib borayotgan bir paytda “Metallurg”ning kam sonli hujumlaridan biri gol bilan yakunlandi. Sheriklarining chap qanot bo'ylab boshlab bergan to'pini Mirg'iyos Sulaymonov chap oyoqdagi ajoyib zarbasi bilan “Buxoro” jamoasi darvozasi to'riga joylab qo'ydi – 1:0.

Jamoalar o'yinni quyidagi tarkibda o'tkazishdi: “Buxoro” – “Metallurg” – 0:1
“Bunyodkor” akademiyasi maydoni, 6.02.2016 yil.
Hakamlar:Zokir Qodirov, Vladlen Lushin, Rashid Nugmanov.
Nazoratchi hakam: Bulat Galeev.
“Buxoro”:Obid Xudoyorov (Amonov), Ruslan Melzitdinov, Aleksandr Merzlyakov, Artyom Filipposyan, Sardor Rahmonov, Salamat Quttiboev, A Sanaev, Aziz Ibragimov, Dilshod Sharafetdinov, San'at Shixov, Bahodir Pardaev.
Zahiradan maydonga tushganlar: Maksimillian Fomin, Suhrob Ne'matov, Pavel Smolyachenko, Shavkat Salomov.
“Metallurg”:Suhrob Sultonov, Mirg'iyos Sulaymonov, Hikmat Hoshimov, Davron Karimqulov, Murod Toshmatov, Javohir Esonqulov (Vusol Magerramov), Doniyor Odilov, Dilmurod Karimov, Ergash Isroilov (Ulug'bek Xudoyberdiev), Farhod Namozov (Sunnatilla Ermatov), Zohid Abdullaev.
— deya xabar beradi uff.uz nashri.