Angliya chempionati 25-turidan o'rin olgan "Manchester Yunayted" hamda "Chelsi" o'rtasidagi uchrashuv o'z nihoyasiga etdi. "Stemford Brij"da o'tkazilgan mazkur o'yinda 1:1 hisobi qayd etildi. Birinchi bo'limda maydon egalari kichik ustunlikka ega bo'lishdi. Biroq, tanaffusga qardar hisob ochilmadi. Ikkinchi bo'limning 61 daqiqasida Jessi Lingard gol kiritib, mankunianliklarni oldinga olib chiqdi. Uchrashuvning so'nggi daqiqalarida Diego Kosta muvozanatni tikladi. Shundan so'ng hisob o'zgarmadi va jamoalar durangga imzo chekishdi. Mazkur bellashuvdan so'ng Lui van Gal jamoasi ochkolar sonini 41 taga etkazib, beshinchi o'rinda qolishdi. "Nafaqaxo'rlar" 30 ochko bilan 13-pog'onadan joy olishdi. Angliya chempionati, 25-tur Chelsi - Manchester Yunayted - 1:1
Gollar: Kosta (90+2) - Lingard (61)
Ogohlantirishlar: Blind (64), Lingard (80), Smolling (83)
Chelsi: Kurtua, Ivanovich, Zuma (Keyxill, 59), Terri, Aspilikueta, Mikel, Matich (Pedro, 67), Villian, Fabregas, Oskar (Azar, 55), Diego Kosta.
Manchester Yunayted: De Xea, Darmian, Smolling, Blind, Bortvik-Jekson, Fellayni (Shnayderlin, 79), Kerrik, Lingard (Depay, 86), Mata (Errera, 90), Marsyal, Runi.
— deya xabar beradi uff.uz nashri.