"Bundan biroz vaqt oldin jamoamiz a'zolari bugunga rejalashtirilgan ertalabki mashg'ulotlarni yakuniga etkazishdi", - deya xabar bermoqda "Navbahor" klubi rasmiy sayti. "Kecha aytib o'tkanimizdek, bugun tarkibga yangi futbolchilar kelib qo'shilishdi. Muxlislarimizga ko'proq Toshkentning “Bunyodkor” klubidagi ishtiroki orqali yaxshi tanish bo'lgan Viktor Karpenko bugun jamoamiz istiqomat qilayotgan mehmonxonaga etib keldi va mashg'ulotda ishtirok etdi. Karpenko 2015 yilgi mavsum birinchi yarmini G'uzorning “Sho'rtan” jamoasida o'tkazib, davralar oralig'ida “Bunyodkor” safidan o'rin olgandi. Bundan tashqari o'tgan ikki mavsumni jamoamizda o'tkazgan darvozabon Xurshid Xo'jaev ham yana “Navbahor”ga qaytdi. Ushbu posbon mavsumlar oralig'ida avvaliga “Andijon” mashg'ulotlarida qatnashib, keyin “Sho'rtan” yig'iniga qo'shilgandi. Kechki mashg'ulotda ham tarkibga yangi futbolchini qo'shilishi kutilmoqda. Bu haqda keyinroq xabar berib o'tamiz", - deyiladi xabarda.
— deya xabar beradi uff.uz nashri.