«Valensiya» bosh murabbiyi Gari Nevill Ispaniya chempionati navbatdagi turida «Espanol»dan mag'lubiyatga uchrasa, iste'foga chiqarilishi haqidagi xabarlarni inkor etdi.
- «Espanol»ga qarshi kechadigan o'yinda qanday natija qayd etilmasin, men «Valensiya» bosh murabbiyi sifatida ishlayveraman. G'alaba qozonamizmiz, mag'lubiyat yoki durang bo'ladimi, farqi yo'q.
Biz bu o'yinga bor e'tiborni qaratganmiz. Men faqat va faqat futbol haqida o'ylamoqdaman. Bu klub uchun juda muhim va biz tahlikaga tushmasdan, o'z kuchimizga ishonmoqdamiz.
Omad hali bizga kulib boqadi. Omadsizlik abadiy bo'lishi mumkin emas, - deydi Nevill.
Eslatib o'tamiz, Gari Nevill «Valensiya» boshqaruvida Ispaniya chempionatida 9 ta o'yin o'tkazdi va birortasida g'alaba qozona olmadi.
— deya xabar beradi uff.uz nashri.