Madridning "Real" klubi prezidenti Florentino Peres jamoa hujumchisi Krishtianu Ronaldu haqida iliq fikr bildirib o'tdi va uni "o'zgacha futbolchi" deb atadi. Ronaldu o'tgan mavsumda Ispaniya chempionatining eng yaxshi to'purari sifatida "Oltin butsa"ni qo'lga kiritgach, mutasaddi o'z fikrlari bilan o'rtoqlashdi. Eslatib o'tamiz, Ronaldu o'tgan mavsum Ispaniya chempionatida o'tkazilgan 35 ta uchrashuvda 48 ta gol kiritishga muvaffaq bo'lgan va to'rtinchi marta chempionat to'purarligini qo'lga kiritdi.
"Ronaldu yana bir marta hammadan ajralib turadigan o'zgacha futbolchi ekanini isbotladi. Bir necha kun muqaddam u 324 gol bilan "Real" tarixidagi eng yaxshi to'purarga aylangan edi. Ronaldu hozirda to'rt marta "Oltin to'p"ni qo'lga kiritgan yagona futbolchi bo'lib turibdi.
U bizning jamoada o'ynayotganidan faxrlanamiz. Krishtianu barcha rekordlarni yangilash va sovrinlar yutib olish uchun"Real"ga kelgan", - deydi Peres.
— deya xabar beradi uff.uz nashri.