Milanning “Inter” klubi hujumchisi Mauro Ikardi Parijning “PSJ” jamoasi rahbariyatining qiziqishlari doirasiga kirgan. Sport Mediaset nashrining ma'lumotiga ko'ra, parijliklar 22 yoshli argentinalik hujumchiga Edinson Kavani va Zlatan Ibrohimovichga davomchi sifatida qarashmoqda. Manbada aytilishicha, “Inter” prezidenti Erik Toxir Parijda frantsuz klubi prezidenti Nasser Al-Xelayfi bilan uchrashgan. Ta'kidlanishicha, tomonlar Ikardining “PSJ”ga amalga oshishi mumkin bo'lgan transferi borasida muzokaralar o'tkazishgan. Joriy mavsumda hujumchi Italiya chempionatining 22ta o'yinida ishtirok etib, 10ta gol hamda 2ta golli uzatmaga mualliflik qilgan.
— deya xabar beradi uff.uz nashri.