Futzal bo'yicha o'tkazilayotgan Osiyo chempionati doirasida kechgan O'zbekiston - Tailand o'yinidan so'ng raqib jamoa bosh murabbiyi Viktor Hermans matbuot anjumanida ishtirok etdi.
- Biz bugun finalni ko'zlab maydonga tushgan edik. Shu sababli tarkibning yarmiga dam berdik. Garchi ko'zlagan maqsadimizga erishgan bo'lsakda, hakamning ishidan noroziligimni bildirmoqchiman. O'zbekistonni finalga chiqqani bilan tabriklayman. Bu musobaqa juda ajoyib o'tmoqda. Osiyoda futzal o'smoqda. Ammo shu bilan birga hakamlik ham o'ssa yaxshi bo'lardi. Shunga qaramasdan O'zbekiston uchun xursandman. Bu jamoa finalga munosib.
- Mendez Tailandni yaxshi bilishi bugungi o'yin natijasiga ta'sir o'tkazdimi?
- 2012 yilda Tailandga kelganimda mutlaqo boshqacha jamoa bor edi. O'sha vaqtda terma jamoa ustozi "Chonburi"da ham ishlagan. Shu sababli barcha futzalchilarni o'z klubidan olgandi. Men 8 mamlakatda ishlaganman. Futzalda hamma bir birini yaxshi biladi va bu o'yinda sir saqlash qiyin. Mendez bizni yaxshi bilishidan xabardor edik. shu sababli yangi futzalchilarni maydonga tushirib, uni chalg'itishga harakat qildik.
- Jamoangiz asosiy vaqtda g'alaba uchun harakat qilsa bo'lmasmidi?
- Yo'q. Bu juda teng o'yin bo'ldi. Raqib beshinchi o'yinchini maydonga tushirganda hisobni tenglashtirdi. Futzalda shunaqasi uchrab turadi.
- To'qqizinchi raqamdagi o'yinchingizga imkon berilmadi. deb hisoblaysizmi?
- Yo'q, bunday deb o'ylamayman. To'qqizinchi raqamdagi futzalchimiz etarlicha yordam berdi. Agar bu o'yinchi O'zbekiston tarkibida bo'lganida, katta yordam bergan bo'lardi. Ammo u tailandlik.
- O'zbekiston terma jamoasi haqidagi fikringiz o'zgardimi?
- Uzr. Men bu haqida fikr bildirish uchun bu erda emasman.

— deya xabar beradi uff.uz nashri.