Madridning “Real” jamoasi hujumchisi Krishtianu Ronaldu UEFA talqini bo'yicha haftaning eng yaxshi futbolchisi deb topildi. Bu haqida tashkilot rasmiy sayti xabar bermoqda. Ma'lumotlarga qaraganda, portugaliyalik 41% ovoz to'plagan holda “Benfika” a'zosi Jonas, “Volfsburg” hujumchisi Yulian Draksler hamda “PSJ” posboni Kevin Trappni ortda qoldirgan. Eslatib o'tamiz, Ronaldu “Roma”ga qarshi (2:0) o'yinda bitta golga mualliflik qilgan. Joriy mavsumda u EChLning 7 o'yinida 12 ta gol kiritib, 3 ta golli uzatma bajarishga muvaffaq bo'lgan.  
— deya xabar beradi uff.uz nashri.