“Manchester Siti” hujumchisi Serxio Aguero klubini o'zgartirmoqchi emas. The Independent nashrining ma'lumotiga ko'ra, 27 yoshli argentinalik futbolchi “shaharliklar” rahbariyatiga faoliyatining oxiriga qadar “Siti”da qolishga tayyorligini bildirgan. Manbada aytilishicha, Aguero mavsum oxirida jamoani Xosep Gvardiola o'z qaramog'iga olishidan juda xursand. Avvalroq, “Manchester Siti” Aguero bilan shartnomani 2020 yilga qadar uzaytirishi ma'lum bo'lgandi. Joriy mavsumda u Angliya Premer-ligasining 19ta o'yinida 14ta gol kiritgan.
— deya xabar beradi uff.uz nashri.