Avstraliyalik yarim himoyachi Tim Kexill o'z faoliyatini Xitoy superligasi vakili “Xanchjou Grintaun” jamoasida davom ettiradigan bo'ldi. Bu haqida futbolchi o'z “Instagram” ijtimoiy tarmog'ida xabar bergan. Uning yangi klub bilan shartnomasi 5 oyga tuzilgan. “Xanchjou Grintaun”ga menga imkoniyat bergani uchun rahmat aytmoqchiman. Futbolga qaytganimdan xursandman. Kelishuv muddati qisqa bo'lishiga qaramay, bor kuch va iste'dodimni namoyish qilishga harakat qilaman”, - deydi Kexill. Eslatib o'tamiz, bir necha kun avval 34 yoshli futbolchi “Shanxay Shenxua” klubi bilan shartnomasini bekor qilgandi. 
— deya xabar beradi uff.uz nashri.