"Paxtakor" - "Al Hilol" uchrashuvidan oldin matbuot anjumani o'tkazildi. Unda jamoamizdan No''mon Hasanov va Davron Hoshimov ishtirok etishdi.
No''mon HASANOV ("Paxtakor" bosh murabbiyi): - “Al Hilol” ancha kuchli va shakllangan jamoa. Raqib safida tajribali futbolchilar bor. Yuqori saviyada o'ynaydigan legionerlar mavjud. Ammo maqsadimiz ertaga o'z muxlislarimiz qarshisida g'alabaga erishish. Yigitlar o'yinga tayyor holatda.
Futbolchilarning ruhiy holatini yaxshilash ustida ham ishladik. Hozir bizga qiyin, lekin zafar quchish uchun bor kuchimizni berishimizga bu to'siq bo'lmaydi.
Mavsum oldidan safimizda yo'qotishlar bo'ldi. Ammo yoshlarga ham qachondir imkoniyat berish kerak. Zaxirada o'tiraversa futbolchi o'smaydi. Endi ularga o'zini ko'rsatish uchun imkon bor. Barchasi harakatga bog'liq. Agar yigitlar bor kuchi bilan o'ynab, g'alabaga erishsak. barchasi unutiladi. Jamoadan ketganlar ham, mag'lubiyatlar ham esdan chiqadi.
Davron HOShIMOV ("Paxtakor" himoyachisi): - Raqib juda kuchli, uning o'yinlarini ko'rib, o'rganib chiqdik. Ertaga o'z maydonimizda 3 ochko uchun maydonga tushamiz. Muxlislarimizni xursand qilish yo'lida barchamiz birdam bo'lgan holda o'ynashga urinamiz.
— deya xabar beradi uff.uz nashri.