FIFA prezidentligiga nomzod hisoblanadigan Osiyo futbol konfederatsiyasi prezidenti shayh Salmon bin Ibrohim Al Xalifa raqobatchisi Janni Infantino haqida fikrlarini bildirib o'tdi.
"FIFA byudjetidagi etishmovchilik 560 million dollar bo'lishi kutilmoqda. Bu mablag' FIFA zaxiralaridan sarflanib, to'ldirilishi rejalashtirilgan.
Infantino FIFAning 209 a'zosidan har biriga 5 million dollardan ajratishni o'ylamoqda. Bu mablag' futbol rivoji va turli maqsadlar yo'lidan sarflanishi lozim. Bu mablag' hozirda ajratilayotganidan 2.5 barobar ko'proq. Shunday ekan, uch yil ichida FIFA bankrot bo'lishini kutmoqdaman.
Bu mutlaqo bema'ni ish - xuddi inqirozga uchrayotgan kompaniya prezidenti hissadorlarga divident to'lashiga o'xshaydi. Yangi prezident bunday tavakkalchilik qilmasligi lozim. Qanday tashkilot faqat bir inson tomonidan boshqarilishi mumkin.
Agar men FIFA prezidenti bo'lsam, homiylik shartnomasi imzolashga shay bo'lib turgan kuchli kompaniyalar bor", - deydi shayh Salmon.
— deya xabar beradi uff.uz nashri.