"Arsenal" yarim himoyachisi Aleks Oksleyd-Chemberlen jarohat oldi va mavsum oxiriga qadar maydonga tusha olmasligi mumkin.
Xabar qilinishicha, 22 yoshli futbolchi Chempionlar Ligasi doirasida "Barselona"ga qarshi kechgan o'yin vaqtida (0:2) jarohat olgan. O'sha uchrashuvda u Xaver Maskerano bilan to'qnashib ketgan edi. Yarim himoyachi nafaqat o'ng tizzasi, balki to'pig'idan ham shikastlangan va zaxiraga olingan.
Bugun Oksleyd-Chemberlen chuqurlashtirilgan tibbiy ko'rikdan o'tadi va qachon maydonga qaytishi aniq bo'ladi. Tahmin qilinishicha, yarim himoyachi mavsum oxiriga qadar safga qaytmasligi va Evropa chempionatida ham o'ynay olmasligi mumkin.
— deya xabar beradi uff.uz nashri.