Toshkentning “Bunyodkor” jamoasi OChL guruh bosqichining 1-turini mehmonda “An-Nassr”ga qarshi o'tkazib, 3:3 hisobidagi jangavor durang qayd etdi. Bungacha “Bunyodkor” faqatgina bir marotaba mehmondagi bir o'yinda uchta to'p kiritgan edi. Esingizda bo'lsa, 2009 yilgi musobaqaning guruh bosqichi doirasida “qaldirg'ochlar” Erondagi mashhur “Ozodi” stadionida “Persepolis” klubini 3:1 hisobida mag'lubiyatga uchratib qaytishgandi. Demak, Saudiya Arabistonida “An-Nassr” darvozasiga urilgan uchta gol “Bunyodkor” FK tarixida mehmonda bir o'yinda urilgan eng yaxshi ko'rsatkichni takrorladi. “Bunyodkor”ning Osiyo Chempionlar ligasidagi umumiy ko'rsatkichi quyidagicha: 69ta o'yin, 26ta g'alaba, 19ta durang, 24ta mag'lubiyat. To'plar farqi - 85:84.
— deya xabar beradi uff.uz nashri.