Shveytsariyaning Tsyurix shahrida FIFA prezidentligi uchun navbatdan tashqari saylovlar bo'lib o'tdi.
Saylovda 5 nafar nomzod qatnashdi: Iordaniya shahzodasi Ali ibn Al-Hussayn, UEFAning bosh kotibi Janni Infantino, Osiyo Futbol Konfederatsiyasi prezidenti shayx Salmon ibn Ibrohim Al-Xalifa, FIFA bosh kotibining sobiq o'rinbosari Jerom shampan va Janubiy Afrika Respublikasi vakili Tokio Sevale.
O'zbekiston nomidan ushbu tadbirda O'FF vitse-prezidenti Sardor Rahmatullaev va Matbuot xizmati boshlig'i Sanjar Rizaev  qatnashishganini alohida ta'kidlash kerak.
FIFA matbuot xizmati xabar qilishicha, tashkilot prezidentligi uchun nomzodi qo'yilgan insonlarning hech biri saylovning birinchi turida 138ta ovoz to'play olmagan.
Infantino uchun 88ta federatsiya, shayx Salmon uchun – 85ta, shahzoda Ali uchun – 27ta va Jerom shampan uchun 7ta federatsiya ovoz bergan.
Ovoz berish jarayonining ikkinchi turida UEFA bosh kotibi Janni Infantino 115ta ovoz to'plab, tashkilotning yangi prezidentiga aylandi.
Qolgan nomzodlar quyidagicha ovozlar to'plashdi: shayx Salmon – 88ta, shahzoda Ali – 4ta. Jerom shampan esa 2-turda bitta ham ovoz ololmadi.
— deya xabar beradi uff.uz nashri.