Madridning «Real» klubi bosh murabbiyi Zinedin Zidan yarim himoyachi Isko haqida Ivan Elgera aytgan fikrga izoh bildirdi. O'z vaqtida Zidan bilan birga «Real» sharafini himoya qilgan Elgera Iskoni tanqid qilgan va samarali harakat qila olmaslikda ayblagan edi.
- Men Iskoning o'yinidan mamnunman. Albatta uning gollari va golli uzatmalariga kamligiga e'tibor qaratsangiz, u o'yinini kuchaytirishi lozimligini ko'rasiz. Ammo uning o'zi ham buni hammadan yaxshi biladi va harakat qilmoqda, - deydi Zidan.
Eslatib o'tamiz, Isko joriy mavsum Ispaniya chempionatida 20 ta o'yin o'tkazib, bitta gol urgan va 4 ta golli uzatmani amalga oshirgan. Yarim himoyachi ushbu o'yinlardan 14 tasini asosiy tarkibda o'tkazgan.
— deya xabar beradi uff.uz nashri.