"Arsenal" jamoasi bosh murabbiyi Arsen Venger "Manchester Yunayted"ga qarshi (2:3) kechgan o'yindan so'ng o'yin haqida qisqacha to'xtalib o'tdi. "Manchester Yunayted" bugun yaxshi o'ynadi. De Xeadan tortib Depaygacha hamma o'zini ko'rsata oldi. Lekin, Reshford meni hayratga soldi. Uning harakatlari, aql bilan maydonda ish tutishi ajoyib bo'ldi", - deydi frantsiyalik mutaxassis. Qayd etish joizki, 18 yoshli Markus Reshford "MYu" tarkibida o'tkazgan dastlabki ikki o'yinida 4 ta gol kiritishga muvaffaq bo'ldi.
— deya xabar beradi uff.uz nashri.