"Manchester Yunayted" bosh murabbiyi Lui van Gal "Arsenal"ga qarshi kechgan uchrashuvda (3:2) maydon chetidagi to'rtinchi hakamga e'tiroz bildirgani va raqib futbolchisi simulyatsiya ishlatganini aytib, kamiga o'zi ham yiqilib ko'rsatib berganiga izoh bildirdi.
"Yiqilishim ortiqcha edi, ammo o'sha vaziyatda hissiyotlarga berilib ketdim. Hakam, laynsmen va to'rtinchi hakamga nisbatan bunday munosabatda bo'lmaslik lozim.
Men zaxira o'rindig'ida bo'lgan vaqtimda meni tanqid qiladilar. O'rnimdan tursam, yana hammasi yomon! Ammo o'sha vaziyatda men nohaq edim albatta va buning uchun kechirim so'rayman.
Mening yiqilganim muxlislarga yoqdi? Okey, ammo ular ham har doim to'g'ri yo'l tutavermaydilar", - deydi van Gal.
Eslatib o'tamiz, to'rtinchi hakam van Galning e'tirozini qabul qilmagach, murabbiy "Arsenal" futbolchisi qanday yiqilganini o'zi yiqilib ko'rsatib bergan edi.
— deya xabar beradi uff.uz nashri.