Qashqadaryo viloyat hokimi kubogining ushbu mavsumi yakuniga etdi. Jamoalar uchun mavsum oldi tayyorgarlik turnir vazifasini ham o'tab bergan ushbu turnir keskin va murosasiz kechdi. Finalga qadar Qarshining "Nasaf" jamoasi yoshlari va "Mash'al-2" etib keldi va kubok uchun maydonga chiqdi.
Uchrashuvning 30 daqiqasida muborakliklar safida Tavakkal Abdurahmonov hisobni ochdi biroq bu hisobni o'yin oxirigacha saqlab qola olmadi. Mikola Lapa shogirdlariga tajriba etishmadi va o'yin so'nggida ketma-ket uch to'p o'tkazib yubordi. Yakunda bosh sovrinni yosh "ajdarlar" qo'lga kiritdi. "Mash'al-2" esa turnirning kumush medallariga ega bo'ldi.
Uchinchi o'rin uchun kechgan bahsda esa Baxtiyor Sattorov boshchiligidagi "Mash'al" yoshlari "Sho'rtan" yoshlariga qarshi o'ynadi va penaltilar bahsida esa omadliroq chiqdi.
— deya xabar beradi uff.uz nashri.