«Barselona» yarim himoyachisi Andres Inesta jamoadoshlari haqida fikr bildirdi.
- Messi - birinchi o'rinda, bu borada shubha bo'lishi ham mumkin emas. U kabi futbolchi boshqa bo'lmaydi.
Menimcha Messi, Neymar va Suares - futbol tarixidagi eng kuchli uchlik. Men klubda va terma jamoada barcha jamoadoshlarimni birdek ko'raman. Leo - birinchi raqamli, - deydi Inesta.
Shu bilan birga Andres Inesta «Real» hujumchisi Krishtianu Ronalduning jamoadoshlari haqida bildirgan fikriga izoh berishni istamadi.
- Menda Krishtianu o'z jamoadoshlari haqida bildirgan fikri yuzasidan gapirishga na istak va na huquq bor, - deydi ispaniyalik futbolchi.
Eslatib o'tamiz, Krishtianu Ronaldu «Atletiko»ga qarshi kechgan o'yindagi 0:1 hisobidagi mag'lubiyatdan so'ng jamoadoshlarining barchasi ham saviya jihatidan o'ziga mos kelmasligini gapirgan edi. Ammo u keyinchalik o'z so'ziga izoh bergan va o'z fikri bilan «Real» futbolchilarining jismoniy holatini nazarda tutganini bildirgan.
«Men bu gapim bilan jamoadoshlarimning jismoniy holatini nazarda tutgandim. Men boshqa jamoadoshlarimdan hech bir jihatim bilan ustun emasman», - degan edi Ronaldu.
— deya xabar beradi uff.uz nashri.