“Lester” klubi yarim himoyachisi Riyad Marez yozgi transfer mavsumida jamoani tark etishi mumkin. Bu haqda ESPN xabar bermoqda. Ma'lum bo'lishicha, 25 yoshli futbolchiga “Arsenal” qiziqish bildirgan. “To'pchilar” uzoq vaqtdan buyon uning o'yinlarini kuzatib bormoqda. Joriy mavsumda jazoirlik futbolchi Angliya chempionati doirasida 26 o'yinda maydonga tushib, 14 ta gol va 10 ta golli uzatmani o'z hisobiga yozib qo'ygan. Ma'lumot o'rnida, uning “tulkilar” bilan amaldagi shartnomasi 2019 yilgacha mo'ljallangan. 
— deya xabar beradi uff.uz nashri.