Turinning “Yuventus” klubi himoyachisi Jorjo Kellini “Bavariya”ga qarshi kechadigan Chempionla ligasi 1/8 final bosqichining javob o'yinini o'tkazib yuborishi mumkin. Italiyalik futbolchi “Inter”ga (2:0) qarshi Italiya chempionatining 27-tur uchrashuvida jarohat orttirib olgandi va birinchi bo'limda almashtirilgandi. Bugun futbolchi chuqurlashtirilgan tibbiy ko'rikdan o'tadi va unga ko'ra jarohat qanchalik jiddiyligi ma'lum bo'ladi. Kellini “Inter”ga qarshi Italiya kubogi 1\2 final bosqichining javob o'yini hamda “Atalanta”ga qarshi A Seriya uchrashuvini aniq o'tkazib yuboradi.
— deya xabar beradi uff.uz nashri.