Bugun o'rinbosarlar safida asosiy tarkibning to'rt nafar o'yinchisi harakat qildi. Bular diskvalifikatsiya sabab 25-turni o'tkazib yuboradigan Igor Golban va Ilya Ilin, “Loko”dan ijaraga olingan Doniyor Usmonov va Quvondiq Ro'ziev. Aytgancha, rossiyalik himoyachi Igor Golban bu gal ham xuddi G'uzorda bo'lgani kabi hujum chizig'ida o'ynadi. O'yin kutilmaganda mehmonlarning xujumlari ostida boshlandi. 1-daqiqada Jarima maydonchasi ichiga kirib kelgan “Loko” futbolchisi Jahongir Sakievning tepgan to'pi darvoza tusiniga tegib qaytdi. Bo'lim o'rtalariga kelib ustunlik maydon egalari tomoniga o'tdi. 25-daqiqada mezbonlar hisobni ochishga erishishdi. Jarima maydonchasi ichida vujudga kelgan pala-partishlikdan Abror Rahmonov foydalanib, raqib darvozasini ishg'ol etdi – 1:0. Ikkinchi bo'limda maydon egalari hujumkorlkini oshirishdi. 54-daqiqada Doniyor Usmonovning uzoq masofadan bergan zarbasi darvoza turidan joy oldi – 2:0. Uchrashuv yakunlanish arafasida himoyachilardan abjirlik bilan qochib ketgan Doston Meliqo'ziev hisobni yirik ko'rinishga keltirib qo'ydi – 3:0. Muhsin Nizomiddinov bugun muxlislarbop o'yin namoyish etganini e'tirof etish joiz. Shunday qilib, o'rinbosarlarimiz navbatdagi g'alabani qo'lga kiritishdi va ochkolar sonini 36 taga etkazib olishdi. Yoshlar ligasi, 25-tur “Qo'qon-1912” – “Lokomotiv” 2:0 (0:0)
Gollar: Abror Rahmonov 25, Doniyor Usmonov 54.
“Qo'qon-1912”: 1. Ruslan Matniyozov (48.Asilbek Omonov-46), 4. Oybek Rustamov, 8. Abror Rahmonov (21. Doston Meliqo'ziev-46), 10. Iqbol Malikjonov (5. Iqror Rahimov-80), 14. Avaz Mamatxo'jaev, 15. Ma'ruf Zokirjonov, 19. Igor Golban (7. Ibrohim Usmonov-77), 22. Quvondiq Ro'ziev (11. Ibrohim Muxtorov-72) , 23. Doniyor Usmonov ( 9. Dilshod Baratov 67), 25. Elyor Mo'ydinov, 26. Ilya Ilin.
Zaxira: 6. Laziz Nazirov.
“Lokomotiv”: 16. Sarvar Karimov (44. Abror Karimov-74), 6. Bobur Ergashev, 9. Dilshod Ergashev, 11. Davron Turg'unov (7. Bobur Tillaboev-46), 17. Evgeniy Tanaev, 22. Farrux Ibrohimov, 23. Vohid Yunusov (8. Jahongir Safarov -81) , 30. Ulug'bek Abdullaev (4. Lazar Adamov-69), 77. Jahongir Sakiev (3. Galibbek Karimov-62), 88. Shoxrux Mo'minqulov, 99. Xumoyun A'zamov.
Zaxira: 5. Xojiakbar Haydarov.
— deya xabar beradi uff.uz nashri.