FIFA prezidenti o'zining ilk matbuot anjumanida ancha tetik ko'rindi va tez orada barcha ishlarni tartibga solishini aytib o'tdi.
- Avvalo, muxlislarga shuni aytmoqchiman: tez orada FIFA va uning futbol yo'lidagi xizmatlari bilan faxrlanib yuradigan bo'lasizlar. Tashkilot nufuzini tiklab, unga nisbatan ishonchni qaytaramiz. Hozir turli hissiyotlar qurshovidaman. Bir necha kun dam olgach, ishga kirishaman.
- Ko'zlaringizni yumingda, 2020 yilgi FIFAni tasavvur qiling. U qanday ko'rinish oladi?
- O'sha payt ham prezident bo'lamanmi-yo'q - buni bilmayman. Chunki 2019 yilga navbatdagi saylovlar belgilangan. Lekin FIFAning muvaffaqiyat qozonganini, gullab-yashnagani ko'rish niyatidaman. Jumladan, Okeaniya mamlakatlaridagi bolakaylar ham bemalol to'p surish imkoniyatiga ega bo'lishlarini xohlayman.
- Futbol federatsiyalariga ajratiladigan mablag'ni 2 baravar oshirishga va'da berdingiz. Biroq FIFAning moliyaviy holati juda murakkab-ku...
- Bu masalani shoshmasdan muhokama qilamiz, loyihalar yaratamiz. Qiyin vaziyatlardan chiqib ketishda ma'lum tajribaga egaman. Qolaversa, FIFA so'nggi yillarda risoladagidek daromad olmoqda. Uning 25 foizini milliy federatsiyalarga taqsimlab berish qiyin emas. Axir biz bergan mablag' futbol rivojiga sarflanadi-ku. Bundan tashqari, FIFA yangi davr ostonasida turganiga shubha qilmayman. Homiylar va TV-kompaniyalar ishonchini qozona olamiz.
- FIFA bosh kotibi lavozimiga nomzodlar xususida o'ylab ko'rdingizmi?
- Bu masalada bir qator g'oyalar yo'q emas. Menimcha, prezident evropalik bo'lgach, bosh kotib lavozimiga boshqa qit'a vakili tanlanishi kerak. Ushbu masalani ko'rib chiqishga vaqtimiz etarli.
- Nutqingizda Platini haqida gapirmadingiz. Unga minnatdorchilik bildirishning hojati yo'q, deb hisoblaysizmi?
Davomi InterFUTBOL gazetasi blogida.
— deya xabar beradi uff.uz nashri.