“Manchester Siti” jamoasi hujumchisi Raxim Sterling “Aston Villa”ga qarshi (4:0) Angliya chempionati 29-turidan so'ng o'z fikrlari bilan o'rtoqlashdi. “So'nggi o'yinlardagi mag'lubiyatlardan so'ng g'alaba qozonishimiz shart edi. “Aston Villa”ga qarshi yaxshi o'ynadik va ijobiy natijaga erishdik. Mavsum yakunida chempionlikni bir necha ochko hal qilib beradi. Biz esa chempionlik uchun kurashda davom etamiz”, — deydi angliyalik yosh iqtidor egasi. Eslatib o'tamiz, “Manchester Siti” kechagi g'alabadan so'ng ochkolar sonini 50 taga etkazib, to'rtinchi o'ringa chiqib oldi. “Shaharliklar”da bitta zaxira o'yini ham mavjud. 
— deya xabar beradi uff.uz nashri.