Mamlakatimiz chempionati ham start oldi. Oliy ligada ishtirok etayotgan 16 jamoa kechadan o'zaro bahslarni boshlashdi.

Bugun “Markaziy” stadionimizda rasman XXVO'zbekiston milliy chempionati boshlanadi. Dastlabki tur doirasidagi uchrashuvda jamoamiz G'uzorning “Sho'rtan” jamoasiga qarshi maydonga tushadi.

Bu yilda bo'lib o'tgan O'zbekiston Superkubogida va OChL 2-turida g'alaba qozongan jamoamiz ishtirokidagi o'yinlarga qiziqish borgan sari ortib bormoqda.

Bugungi uchrashuv shuningdek “voha derbisi” maqomiga ham ega.

“Sho'rtan” jamoasi bilan bo'ladigan uchrashuvlar doimo keskin va murosasiz kechgan. Bugungi uchrashuvning qiziqarli yana bir tomoni shundaki, jamoamiz safida ilk marta maydonga tushadigan o'yinchilar ham bor, bunga chernogoriyalik legioner – Deyan Bolevichni misol keltirish mumkin.

Yana bir qiziqarli fakt, muqaddam jamoamiz safida to'p surgan Botir Qoraev va Kenja To'raevlar “Sho'rtan” safida o'zlarining sobiq jamoasiga qarshi o'ynashlari mumkin.

Xullas, muxlislarni bugun yana bir qiziqarli uchrashuv kutmoqda. “Markaziy” stadion muxlislarga muntazir. O'yin uchun hammasi tayyor.

Muxlislarga yana bir marta eslatib o'tamiz, uchrashuvga chiqarilgan chiptalar stadion qoshidagi kassalarda sotuvi davom etmoqda.

Barcha futbol ishqibozlarini “Markaziy” stadionimizga chorlab qolamiz. Stadionimizga marhamat qiling, chiroyli futbol spektaklini tomosha qilib, miriqib dam oling.

O'zPFL 1-tur. 6 mart 2016 y.
“Nasaf” (Qarshi) – “Sho'rtan” (G'uzor)
Qarshi sh. “Markaziy” stadioni, 17:00da
Bosh hakam: Hasan Ro'ziev (Toshkent)
Qanot hakamlari: O. Abduvosilov (Toshkent), S. Shoyusupov (Toshkent),
Zaxira hakami: D. Karimov (Toshkent)
Nazoratchi: A. Xotamov (Toshkent).
O'zPFLvakili: Sh.Rajabov  
— deya xabar beradi uff.uz nashri.