Mavsumlar oralig'ida “Navbahor” jamoasi safiga kelib qo'shilgan janubiy koreyalik Xyunyeon Choy va ukrainalik Vladislav Pavlenkolar bugun Toshkentda tibbiy ko'rikdan o'tishdi. Xabaringiz borki, Pavlenko chempionat boshlanishiga bir necha kun qolganida Namanganga etib kelganligi sababli, tibbiy ko'rikdan o'tishga ulgurmagandi. Bugun Pavlenko Milliy olimpiya qo'mitasi qoshidagi markazda tibbiy ko'rikdan o'tdi. Pavlenkoning tibbiy xulosasi ertaga ma'lum qilinadi. Hozirda barchasi futbolchi uchun ko'ngildagidek kechganligini qo'shimcha qilish joiz. Janubiy koreyalik Choyni tahliliy natijalari esa hafta boshida e'lon qilinishi haqida xabar berib o'tgandik. Lekin, 7 va 8 mart kunlari dam olish kuni deb e'lon qilinganligi sababli, Choy borasidagi masala ham keyinroqqa qoldirilgandi. Bugun Choy yana bir bor shifokorlar ko'rigidan o'tdi. Janubiy koreyalik legionerni ham jamoamizda to'p surish yoki to'p surmasligiga ertaga uzul kesil oydinlik kiritiladi. Shu o'rinda har ikki futbolchini ham “Navbahor” safida 2016 yilgi chempionat va O'zbekiston kubogi uchun ro'yxatdan o'tkazilganligini qo'shimcha qilish joiz.
— deya xabar beradi uff.uz nashri.